Mekkin Histri

Mekkin Histri

now tell mi someting
mistah govahment man
tell mi someting

how lang yu really feel
yu coulda keep wi andah heel
wen di trute done reveal
bout how yu grab an steal
bout how yu mek yu crooked deal

well doun in Soutall
where Peach did get fall
di Asians dem faam-up a human wall
gense di fashist an dem police sehil
an dem show dat di Asians gat plenty zeal

it is noh mistri
wi mekkin histri
it is noh mistri
wi winnin victri

now tell mi someting
mistah police spokesman
tell mi someting

how lang yu really tink
wi woulda tek yu batn lick
yu jackboot kick
yu dutty bag a tricks
an yu racist pallyticks

well doun in Bristal
dey ad no pistal
but dem chase di babylan away
man yu shoulda si yu babylan
how dem really run away
yu shoulda si yu babylan dem dig-up dat day

it is noh mistri
wi mekkin histri
it is noh mistri
wi winnin victri

now tell mi someting
mistah ritewing man
tell mi someting

how lang yu really feel
wi woulda grovel an squeal
wen so much murdah canceal
wen wi woun cyaan heal
wen wi feel di way wi feel

well dere woz Toxteth
an dere woz Moss Side
an a lat a addah places
whey di police ad to hide
well dare woz Brixtan
an dere woz Chapeltoun
an a lat a addah place dat woz burnt to di groun

it is noh mistri
wi mekkin histri
it is noh mistri
wi winnin victri

– Linton Kwesi Johnson

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: